GENERAL SANTOS CITY – Nagpabilin ang baruganan sa General Santos City Chamber of ommerce and Industry batok sa mga investment scam sama sa KAPA, ALMAMICO o ALAMCO.
Kini ang gihingusgan sa grupo human nga nabati na gayud sa siyudad ang epekto sa naasoy’ng mga
investment scheme sa panarbaho ug ekonomiya sa dakbayan.
Kahinumdumann nga nagpagawas ug resolusyon ang grupo nga nagpadayag pagkaalarma sa mga bangko ug negosyante sa siyudad nga basin ug makasinati ug bank holiday tungod sa dakong kantidad sa kwarta nga gipang-withdraw aron i-invest sa maong mga investment schemes nga ga-operate karon sa GenSan, Sarangani ug South Cotabato.
Apil na ang posibleng matigayon nga human resource crisis tungod walay nay gustong manarbaho inay
magpaabot na lang sa ilang madawat matag bulan.
Tuod man, usa ka ospital dinhi sa siyudad ang nagpadayag sa ilang kabalaka tungod nang-resign na ang
ilang mga janitor hinungdan nga wala nay manarbaho panahon sa gabii, mga kan-anan nga mihawa na
ang tigluto, ug panagatan nga wala nay mangingisda human nga nagpa-miyembro sa nasampit nga investment schemes, butang nga gikabalak-an pagmaayo sa naasoy’ng grupo.
Bisan paman, gipaabot karon sa hugpong sa mga negosyante sa siyudad nga muhimo na ug lakang ug
aksyon ang gobyerno, hilabi na nga wala gabayad ug buhis ang nahisgutang mga investment scam nga
dako usab ang mamahimong epekto sa ekonomiya sa siyudad.
