Mipadayag og kasubo ang Memphis Grizzlies sa kalit nga pagpanaw sa forward nga si Brandon Clarke.
Sa mensahe nga gipagawas sa NBA team, nakabutang ang ilang kakurat sa pagpanaw sa 29-anyos nga forward, kauban ang ilang pagpaabot sa kasubo sa iyang gibiyaan nga pamilya.
Giila sa Memphis ang beteranong forward isip usa ka buotan nga kauban sa team, ug giingon nga ang iyang kontribusyon sa Grizzlies ug sa tibuok Memphis community dili gayod makalimtan.
Sumala usab kang NBA Commissioner Adam Silver, nagbangotan ang tibuok liga sa pagpanaw ni Clarke.
Giila niya ang namatay nga forward isip usa ka “kinalingawan” nga teammate ug lider nga adunay dakong gugma sa basketball.
Niadtong 2019, gipili sa Oklahoma City Thunder si Clarke isip 21st overall pick apan dayon gi-trade siya sa Memphis sa draft night.
Gitutokan niya ang tibuok niyang karera sa NBA sa maong koponan sa Memphis. Sa iyang unang season sa liga, nahisakop siya sa NBA All-Rookie First Team, nga adunay average nga 12.1 points ug 5.9 rebounds per game.
Sa pagkakaron, wala pa gipagawas sa NBA ang hinungdan sa iyang pagpanaw.
