GENERAL SANTOS CITY – Gumikan sa nihit nga suplay sa bugas napugos magpataas ug presyo sa lokal ug imported rice ang mga negosyante.
Nahimo nang P55 ang matag kilo samtang ginalantaw ang posebilidad nga musaka pa ang presyo sa sunod nga mga adlaw.
Kini ang gibutyag Carmelito Bacus, presidente sa Grain Retailers Association Confederation in Soccsksargen. Matud ni Bacus nga limitado ang makuha nilang suplay atul sa lean season hinungdan nga nagdugang ug P5 matag kilo.
Nahitabo matud pa kini saa ulahing semana sa Hulyo samtang nagdahum ang mga trader nga magbarato ang bugas sa Oktobre atul sa harvest season aron mudaghan ang local supply,
Gikadugang ni Bacus nga dili na muobos pa ang presyo gumikan sa gipatuman nga restriction sa pagpalit ug bugas sa India tungod mas ubos ang presyo sa bugas sa Vietnam nga usa ka major source sa imported nga bugas .
Ang Soccsksargen, kanhi gitawag ug Central Mindanao region, ang nailhan nga may rice-producing provinces sa South Cotabato, Cotabato, Sarangani, ug Sultan Kudarat, lakip ang General Santos, Kidapawan, ug Koronadal.
