GENERAL SANTOS CITY – Dako ang giusbaw sa paglambo sa gross regional domestic products kon GRDP sa Region 12, alang sa tuig 2017.
Matud pa ni Atty Maqtahar Manulon, ang regional director sa Philippine Statistics Authority, mukabat kini sa 8.2% ang mas taas itandi sa tuig 2016 nga anaa lang sa 4.9%.
Gikabutyag nga gumikan kini sa pagrekober sa agrikultura, hunting, forestry ug fishing.
Kung basehan ang maong sektor sa tuig 2016, ang gross regional domestic products sa fishing sector ang anaa sa 83,000, samtang sa tuig 2017 ang kapin sa 92,000. Ang fishing ang kapin sa 17,000 ug kapin sa 20,000 sa tuig 2017.
Kini gumikan sa 2016 nasinatian ang hulaw nga nakatampo sa pag-ubos sa kita sa anaa sa fishing sektor ug sa agrikultura.
Samtang ang services sector ang maoy adunay dakong share sa kinatibuk-ang output sa rehiyon nga anaa sa 40.2%, gisundan sa industry nga anaa sa 36.8% ug ang agrikultura, hunting, forestry ug fishing ang anaa sa 23%.
Ang GDRP ang maoy market value sa mga goods and services nga gi-produced sa rehiyon nga gihipos sa PSA matag tuig.
