GENERAL SANTOS CITY – Nagmalampuson ug nahimong mabulukon ang natigayong grand opening sa Kalilangan 2018 ug 79th Foundation Anniversary sa siyudad sa Heneral Santos, kaghapaong adlawa.
Gisugdan kini kagahapon sa hapon sa pag-able sa Agri-Fair, dayon ang Hudyat Parada: Civic Military Parade nga giapilan sa mga LGU officials, stakeholders ug uban pa, ug aduna usay gipahigayon nga Bugle, Drum and Lyre Competition nga gisalmutan sa nagkadaiyang mga eskwalahan, ug Fiestahan sa Barangay.
Ug pagkagabii ang 2018 Grand Opening Ceremony Program, kung asa nag-perform ang mga sikat nga singers nga silang Jona Viray ug Marcelino Pomoy, nga gidagsa sa tanang tawo nga miadto sa Oval Plaza.
Gipangunahan ni City Mayor Ronnel Rivera ang pormal nga pag-able sa usa ka semana nga selebrasyon, nga gisundan sa bongga nga fireworks display.
Ang Kalilangan 2018 may tema nga ” Dayon Kamo sa GenSan ug MagKalilangan.
Samtang, gipasalig usab ni MSU Chancellor Abdul Racman Canacan, nga kanunay’ng magpaluyo ang Mindanao State University aron masiguro nga mamahimong lingaw ug malampuson ang tanang mga aktibidad nga ipahigayon alayon sa Kalilangan.
Kahibaluan nga ang MSUang katambayayong sa lokal nga panggamhanan sa GenSan, isip mga organizers sa nasampit nga kasaulugan.
Samtang, ugma na, Pebrero 24, adlaw’ng Sabado, matigayon ang Malakas at Maganda Doble Kara Singing Contest sa Bombo Radyo. Magsugod kini alas-6:30 sa gabii, ug ipahigayon sa Oval Stage.
Andam na ang mga staff sa sibyahanan aron pangunahan ang nasampit nga aktibidad, labaw na ang 15 ka finalist nga magperform ug mag-indig alang sa dagkong premyo nga P15,000 sa magkampeon; P10,000 sa first runner-up; ug P7,500 sa second runner-up, samtang ang mga dili makadaog ang makadawat gihapon ug tig-P1,000 nga consolation prize.
Andam na usab ang mga mamahimong hurado, kung asa usa niini si MSU Professor Alnizar Ali.
Matud pa ni Ali, usa gayud ang Doble Kara sa Bombo Radyo sa dagkong events nga gahatag ug pinasahi nga pasundayag ug lingaw, ug ginaatangan gayud sa katawhan matag Kalilangan.
Ug gani, giimbitahan niini ang katawhan nga saksihan ug suportahan na usab ang naasoy’ng programa.
