GENERAL SANTOS CITY – Mikabat sa 118,000 graduates sa Technical Vocational kon Tech-Voc programs sa Region 12 niaging tuig nga adunay trabaho sa lokal ug anaa usab sa gawas nasud.
Matud kang Rafael Abrogar II, Technical Education and Skills Development Authority kon TESDA 12 director, nga 88% nga nakahuman nga adunay trabaho sa kasamtangan.
Giklaro niini nga 134,371 ang nakahuman sa skills training programs niaging 2019.
Matud niini nga ang datos base kini sa preliminary result sa gipahigayon nga Survey of Employability of Technical and Vocational Education and Training Graduates kon SETG.
Sumala pa sa opisyal nga anaa sa sakto nga sweldo ang mga nakatrabaho.
Dugang pa niini gipaningkamotan sa ilang ahensya nga mapadayon ang nasampit nga programa alang sa katawahan sa Rehiyon 12.
Alang kaniya daghan nga kompanya nga nanginahanglan ug mga trabahante apan dili mamahimo nga mu-apply tungod dili kwalepekado sa training.
