Goldenstate College andam mutabang sa imbestigasyon sa brutal nga pagpatay ni Miyuki Kim sa MSU-Gensan

GENSAN – Andam mutabang ang Goldenstate College ngadto sa unsa mang kalihukan nga himuon sa Mindanao State University – General Santos (MSU-Gensan) may kalabotan sa brutal nga pagpatay sa graduating student sa College of Fisheries and Aquatic Sciences sa maong unibersidad nga si Miyuki Kim nga taga Purok DBP Brgy Apopong ning dakbayan.

Matod ni Sara Manilay, ang Vice President For Finance sa Goldenstate College nga kaniadto pa gakahitabo ang samang insidente nga sudlan sa balay ang biktima og gidunggab.

Nahitabo na usab kini sa duha nila ka estudyante og maayo na lamang nga buhi ang mga nasampit.

Gidayeg ni Manilay ang mga kapulisan sa mga paningkamot nga madakpan ang responsable.