Tumong sa Department of Agrarian Reform nga makompleto ang pagpanghatag sa Certificate of Condonation sa mga mag-uuma karong tuiga.
Base sa datus sa ahensya, niabot kini og kapin sa P10. 859 bilyon sa kinatibuk-ang kantidad sa utang sa mga mag-uuma ang nawagtang sa miaging tuig.
Kini tungod usab sa padayong paningkamot sa administrasyon ni Presidente Ferdinand Marcos Jr. aron mapagaan ang kinabuhi sa mga lokal nga mag-uuma sa tibuok nasud.
Matod ni Agrarian Reform Secretary Conrado Estrella III, kapin sa 230,000 ka Certificates of Condonation ang gipang-apod-apod sa gobyerno ngadto sa kapin 198,000 ka mag-uuma sa Pilipinas.
Matod niya, kini katumbas sa kapin sa 252,000 ka ektarya nga yutang pang-agrikultura.
Karong tuiga gitarget sa gobyerno nga makompleto ang pag-apod-apod sa kapin sa 600,000 ka COC sa mga mag-uuma.
