Nagdumili ang gobyerno ds Australia nga mamahimong host country kang kanhi Presidente Rodrigo Duterte alamg sa iyahang interim release.
Kahinumduman nga una nang gisulti ni Bise Presidente Sara Duterte sa media interview sa Melbourne sa pagbisita sa Bise Presidente didto, nga ang Australia anaa sa listahan sa mga nasud nga gikonsiderar sa iyang amahan isip host country alang sa iyang temporaryong kagawasan.
Matud sa Bise Presidente, nisaad ang Melbourne nga mutabang o dawaton niini ang kanhi presidente aoan wala na kini nagpagawas ug dugang nga detalye.
Nasayod usab ang gobyerno sa Australia sa petisyon sa kanhi presidente alang sa interim release gikan sa ICC detention center sa The Hague, Netherlands. Apan giingong wala kini mosugot nga i-host ang kanhi Presidente ug wala kini gikonsiderar.
Nakita sa Australia ang aplikasyon sa kanhi presidente alang sa temporaryo nga pagpagawas isip usa ka butang nga ikonsiderar sa ICC ubos sa Rome Statute, ang kasabotan sa pagtukod sa korte diin ang Australia usa ka estado nga miyembro.
Sa sayo pa, sa petisyon nga gisang-at alang sa interim release sa kanhi Presidente niadtong Hunyo 12, ang iyang defense team mikompirma nga ang usa ka nasud nipadayag sa ilang kaandam nga dawaton ang kanhi presidente atol sa iyang interim release ug ipatuman ang mga kondisyon alang sa iyang kagawasan.
Bisan pa, ang ngalan sa nasud gi-redact o gitangtang sa dokumento.
