-- ADVERTISEMENT --
Dili na kinahanglana ang direktiba gikan ni Pang. Ferdinand Marcos Jr. sa mga hingtungdan nga ahensya sa gobyerno sa matag higayon nga adunay mga kalamidad o katalagman.
Tungod kay nasayod na matud pa ang nagkadaiyang buhatan sa gobyerno kon unsay angay nilang buhaton kalabot sa sitwasyon sa Bulkang Taal. Kini human sa natala nga pagbuto sa bulkan, alas 4:30 kagahapon (Oktubre 3).
Matod ni President Ferdinand R. Marcos Jr., adunay standard operating procedure (SOP) nga gisunod sa gobyerno sa bisan unsang katalagman o kalamidad nga moigo o mosulod sa nasud.
Gidugang usab sa Pangulo nga sila sa National government, hugot nga nagmonitor sa pinakaulahing aktibidad sa Taal Volcano.
