Nag-andam ang gobyerno og contingency measure o security plan sa higayon nga mahitabo ang worst case scenario sa West Philippine Sea (WPS), ilabi na nga padayon nga agresibo ang China sa pagpaduol sa BRP Sierra Madre Madre.
Andam ang Armed Forces of the Philippines sa pagpatuman sa maong security plan.
Matod ni National Maritime Council Spokesperson Usec Alexander Lopez, kabahin kini sa ilang pagpangandam sa worst case scenario kon ang China mangahas pagduol og balik sa BRP Sierra Madre.
Gipasiugda ni Lopez nga walay makapugong sa Pilipinas sa pagpahigayon og rotation ug resupply missions alang sa mga tropa sa BRP Sierra Madre.
Gitataw ni Lopez nga katungod sa nasud ang pagpadayon sa mga misyon sa RORE.
Matud pa ni Lopez nga klarong nalatid sa provisional understanding tali sa Pilipinas ug China nga dili sila angay manghilabot, mobabag o makabalda sa atong RORE missions.
Ang mga tropa anaa karon sa 24-oras nga pagbantay ug pagdokumento sa tanang lihok sa mga barko sa China ug mga barko sa militia sa China sa West Philippine Sea.
