Ang Cybercrime Investigation and Coordinating Center (CICC) nagpahimangno sa publiko tungod sa pagtaas sa gidaghanon sa mga scam sa pagpamuhunan sa cryptocurrency sa nasud.
Si CICC Executive Director Alexander Ramos niingon nga dunay mga bangko nga nitaho kanila nga pipila sa ilang mga depositor nawad-an og minilyon tungod sa cryptocurrencies scams.
Matod niya ang mga depositor nga nabiktima wa moduol sa ilang buhatan
.
Dugang pa niya nga sukad niadtong Nobiyembre iya nang gipahimangnoan ang publiko sa nasangpit nga pagkatap sa maong mga crypto currencies sa nasud ug nisamot kini karong Disyembre.
Ang mga nagpaluyo sa maong modus nahimo na karong bag-o ug paspas diin daling mawala ang kuwarta sa higayon nga makadeposito na sila.
Sa pagkakaron nakig-alayon sila sa nagkalain-laing ahensya aron mawagtang dayon ang mga nagpaluyo sa maong pagpanikas.
