GENERAL SANTOS CITY – Gipangunahan ni Sarangani Governor Steve Chiongbian Solon ang pagsalom sa Sarangani Bay kauban ang mukapin usa ka gatus ka mga diver nga gikan sa lain-laing bahin sa nasud.
Isip usa ka professional diver gusto ni Governor Solon nga mailhan ang Sarangani bay isip diving haven sa Mindanao.
Pinaagi sa ipahigayon nga labing una nga Sarangani Bay safari nga ipahigayon gikan sa Abril 20 hangtud Mayo uno.
Matud sa Gobernador nga pinaagi sa under water exploration madeskubre ang uban pang diving site sa Sarangani.
Una nang nailhan nga maayong diving site ang Limlunay sa Maasim nga napatik na sa talaan sa department of Tourism. Nalakip ang Sarangani bay nga gilangkuban sa baybayon sa Maitum, Kiamba, Maasim, Malapatan, Glan ,Alabel lakip ang General Santos nga Protected Seascape sa Department of Environment and Natural Resources.
Una nang gikumpirma ni Department of Tourism o DOT 12 Regional Director Nelly Nita Dillera nga maapil na ang diving sa sports and adventure-tourism products sa SOCCKSARGEN.
