GENERAL SANTOS CITY – Padayon ang gipahigayong sunod-sunod nga anti–illegal drug operations sa PDEA-12 niadtong martes nga nagresulta sa pagkaaresto sa gituohang miembro sa BAWAN Drug Group, High–Value Target og Watchlisted.
Unang operasyon ang gipahigayon sa usa ka uma sa Brgy. Rizal Poblacion, Banga, South Cotabato nga nagresulta sa pagkaaresto kay ERWIN JOY BOLANON alias Nene Adik, usa ka drug-Watchlisted, 37 , minyo og taga Prk. Katipunan, Brgy. Reyes, Banga.
Nakumpiska kaniya ang kapin o kulang 3 gramu sa shabu kantidad P15,000.00 og usa ka P500 marked money.
Laing buy bust operation ang gipahigayon sa Brgy. Lanao, Kidapawan City nga nagresulta sa pagkaaresto sa gituohang member sa BAWAN Drug Group.
Nailhan ang suspek nga si JORINE ALCAZAR y BLANCAVER Alias Joreen Alcesar, usa ka High–Value Target, 21 anyos, taga Prk. 6, Lanao, Kidapawan City.
Ang maong grupo nag-operate sa Maguindanao og kasikbit nga mga munisipyo og lungsod.
Kapin o kulang 1 gram sa shabu nga kantidad P5,000.00 og duha ka tag P1,000 marked money ang nakumpiska sa possession niini.
Samtang sa Prk. Matibay, Brgy. Sta. Cruz, Koronadal City naaresto si KIMBERLEE HELLARSIS , Alias Kim, usa ka High–Value Target usab, 44, lalaki og usa ka government employee.
Nakumpiska sa iyang posisyon ang kapin 1 gramu sa shabu, P500 mark money og kutsilyo.
Naaresto kini human nga napalitan og shabu sa kapulisan.
Giandam na ang mga dokumento alang sa pagpasaka og kaso batok sa tulo.
