-- ADVERTISEMENT --
Nakumpiska sa gihimong drug buy-bust operation sa Plaridel, Bulacan ang mga pakete sa gituohang shabu ug cocaine nga nagkantidad og kapin P700 milyones. Ang operasyon gilusad sa Philippine National Police Drug Enforcement Group (PNP-DEG).
Usa ka Pilipino ug usa ka Chinese national ang nadakpan atol sa operasyon, diin nakuha gikan sa ilang pagpanag-iya ang labaw pa sa 100 kilo sa ginadiling droga.
Sumala sa mga otoridad, padayon ang imbestigasyon karon aron tukion kung ang nasakmit nga iligal nga droga may kalambigitan ba sa mga “floating shabu” nga unang nakit-an ug nasakmit sa mga baybayon sa Zambales ug Ilocos.
Ang mga suspetsado karon nag-atubang sa kasong paglapas sa Republic Act No. 9165 o ang Comprehensive Dangerous Drugs Act of 2002.
