Nakita ang gituohang shabu o methamphetamine og cocaine sa lawas o patay nga lawas sa 31 anyos nga kanhi miyembro sa One Direction nga si Liam Payne base sa migawas nga inisyal nga resulta sa gipahigayong toxicology tests.
Kahinumduman nga namatay si Payne human mahulog gikan sa ikatulong andana sa balkonahe sa iyang kwarto sa CasaSur Palermo Hotel, Buenos Aires, Argentina sa miaging Oktubre 16.
Subay sa autopsy nga gipahigayon kang Payne, ang droga nga gigamit matod pa sa British singer ang gitawag nga ‘pink cocaine’ kung asa aduna kini methamphetamine o shabu, ketamine, Methylenedioxymethamphetamine o ecstasy, crack cocaine og benzodiazepine.
Sa unang imbestigasyon sa mga awtoridad, nakita ang gituohang improvised aluminum pipe sa kwarto ni Payne nga gigamit matod pa sa British pop star aron mag-ingests sa droga.
Una na usab nga gireport nga nakita sa kwarto ni Payne ang mga nangabuak nga gamit kung asa nakit-an nga adunay nakapatong sa lamesa niini nga aluminum foil og lighter.
Gihulagway usab sa Prosecutor ang nakita nga substance isip ‘narcotics og alcoholic beverages.
Nagduda usab ang mga lokal nga awtoridad nga adunay usa matod ka empleyado sa hotel ang naghatag og iligal nga droga kang Payne.
Wala usab giaresto og wala na gihatagan og tukmang mga kaso ang maong indibidwal.
