-- ADVERTISEMENT --
Patay ang 4 ka mga indibidwal nga gituohang suspek sa pagpang-ambush kang Shariff Aguak Mayor Akmad Mitra Ampatuan nga nakit-an pipila ka oras human sa pagpang-atake kaganihang buntag sulod mismo sa maong lungsod.
Sulod sa usa ka minivan, napalgan nga wala nay kinabuhi ang upat ka mga lalaki sa Sitio 24, Barangay Meta, lungsod sa Datu Unsay.
Kasamtangang gina-imbestigahan na sa mga kapulisan ang hinungdan sa pagkamatay sa mga nasampit.
Kahinumduman nga luwas si Mayor Ampatuan sa maong pagpang-ambush gumikan bulletproof ang sakyanan apan duha sa iyang security detail ang padayong gina-atiman sa balay-tambalanan.
