GENSAN- Giklaro ni Atty. Franklin Gacal nga dili pa trial ang gihimo sa International Criminal Court batok kang kanhi Pangulong Rodrigo Roa Duterte kundili confirmation of charges pa lamang.
Matud niya, sa maong yugto ginatan-aw sa pre-trial chamber kung adunay substantial grounds aron tuohan nga nahitabo ang giingong krimen ug nga adunay partisipasyon ang akusado.
Sa pamahayag ni Gacal nga sili pa kini paghatag og pinal nga hukom. Gipasabot usab sa nasampit nga abogado nga dili tinuod nga makombikto dayon si Duterte human sa hearing sa Pebrero 27.
Adunay tulo ka posibleng mahitabo human sa confirmation hearing, mahimo kining mudiretso sa trial kung makumpirma ang kaso, ibasura kung kulang ang ebidensya, o i-adjourn samtang pangayuan pa og dugang ebidensya ang prosekusyon.
Sa duha ka adlaw nga hearing, gipresentar pa lamang sa prosekusyon ang ilang mga ebidensya ug gipanganlan ang giingong mga kakunsabo sa kaso.
