Gipunting ni Atty. Rey Cartojano ang proseso sa pagpagawas sa confidential funds human sa testimonya ni OVP Special Disbursing Officer Gina Acosta. Sumala sa abogado, si Acosta isip Special Disbursing Officer maoy responsable sa pag-disburse o pagpagawas sa pondo.
Apan sa testimonya ni Acosta, iyang giingon nga adunay confidential funds nga iyang gi-release ngadto kang Col. Raymund Dante Lachica. Basi sa pahayag ni Atty. Cartojano nga importante nga masabtan ang nature sa confidential funds ug ang mga lagda o circular nga nagdumala sa pag-release ug paggamit niini.
Tungod sa sensitibong kinaiya sa maong pondo, adunay mga espesyal nga proseso sa pagdumala niini.
Gipadayag ni Atty. Rey Cartojano, dili lamang kutob sa pag-release sa confidential funds ang accountability sa mga opisyal nga nalambigit niini.
Kung nadawat ni Col. Raymund Dante Lachica ang pondo nga gi-release ni Gina Acosta, kinahanglan usab nga adunay klarong katin-awan kung giunsa kini paggamit ug kung kinsa ang mga nakadawat sa maong kuwarta.
Giklaro ni Cartojano nga kinahanglan ma-account ug ma-liquidate ang pondo subay sa mga lagda sa pagdumala sa government funds. Busa, dili lamang kung kinsa ang nag-release sa pondo ang angay susihon, kundili apil usab kung giunsa kini paggamit ug kung asa kini naadto human madawat sa mga opisyal nga nalambigit.
