Ginebra nasakmit ang sunodsunod nga daog human gipildi ang Phoenix sa iskor nga 119-112

Nitala ang Barangay Ginebra og sunodsunod nga daog human gipildi ang Phoenix 119-112 sa ilang duwa sa PBA Philippine Cup nga gipahigayon sa Philsport Arena sa Pasig City.

Lima ka mga magduduwa sa Ginebra ang mitala og double-digit nga puntos nga gipangulohan ni RJ Abarrientos nga adunay 25 puntos samtang si Japeth Aguilar adunay 24 puntos.

Si Scottie Thompson miamot og 17 puntos ug 13 ka assists, samtang si Stephen Holt adunay 19 puntos ug si Jamie Malonzo miiskor og 15 puntos.

Ang 28 puntos ni Jason Perkins, lima ka rebounds ug upat ka assists wala mosalir, samtang nihatag og 18 puntos si RJ Jazul ug niamot og 17 puntos si Kenneth Tuffin alang sa Fuel Masters.