GENERAL SANTOS CITY – Gibadlong pa sa bana ang iyang asawa nga dili magpasobra og kalipay og lukso-lukso human nga midaug sa 4D, usa ka matang sa sugal.
Sa pakighinabi sa Bombo Radyo, gibutyag ni Pacito Timon, natigayon ang insidente samtang naa sila sa balay sa kabanay sa Malandag, Malungon, Sarangani Province.
Dugay na matud pang gi-maintain sa iyang asawa nga si Marilyn, 63 anyos ang 7421 og niadtong Biernes sa gabie gitay-an niini og P10.
Pirteng lukso-lukso sa iyang asawa dihang midaog niadtong gabhiuna apan kalit lamang nag-ubo-ubo og gihapo dayon naggukod na sa iyang pagginhawa og gilayong natumba.
Gibutyag nga wala na madala sa ospital ang iyang asawa tungod wala na mipitik ang pulso.
Sa pahayag pa sa bana, ang nadag-an sa iyang asawa nga P40,000 ang kulang pa sa gastos sa pagpalubong.
Medyo nagmahay nga midaog ang asawa sa gipatdan nga numero apan dawat na niya ang nadangatan sa nasampit.
Kahibaluan nga nakalitan ang mga silingin sa nadangatan sa maong ginang ilabina nga wala damha sa maong rason lamang ang hinungdan sa iyang kamatayon.
