GENERAL SANTOS CITY – Hugot nga gitutukan sa San Isidro Police Station ang monitoring ang mga financier og coordinator sa mga nalambigit sa illegal gambling partikular na ang last two operation sa ilang area og responsibility.
Giangkon ni PCINSP Hoover Antonio, chief of police sa maong presinto nga mga last 2 usher ang kasagarang madakpan og malisod nga maaresto ang financier tungod dili maaktuhan.
Gibutyag ni Antonio nga wala usay matudlo nga financier ang mga last 2 aser tungod dili kaila sa mga nasampit ang ga-finance kanila.
Sumala pa ni Antonio nga sugod paglingkod sa San Isidro Police Station isip hepe, naa na sa 70 katao nga nalambigit sa iligal nga sugal ang naaresto.
Sa ulahing anti illegal gambling operation nga gipahigayon sa miaging semana sa Prk. Masunurin, sikop ang last 2 usher nga Virginita Hobida.
Gipasalig sa opisyal nga hugot nga kampanya batok sa iligal nga sugal gawas sa iligal nga droga ang tutukan sa ilang presinto pinasubay usab sa kamanduan ni City PNP Director SrSupt. Romeo Ruel Berango.
