GENERAL SANTOS CITY – Gituuhang giatake matud pa sa highblood ang ginang nga nakaplagang patay sa quarry site sa sapa sa Prk 11 Brgy Batomelong miaging adlaw, hinungdan nga nahagbong sa sapa ug naanod sa baha.
Base kini sa report human ang pagkaplagan sa nahisgutang lugar ang naka-yellow nga tshirt ug naka-underwear na lang nga patay’ng lawas sa naasoy’ng ginang nga matud sa Tinagacan Police Station, giila sa iyang anak isip si Margarita Ebo, 39-anyos, taga-Tamban, Malungon, Sarangani.
Base sa imbestigasyon, nanglaba matud pa ang ginang sa sapa sa ilang lugar dihang giatake sa highblood hinungdan nga natumba sa tubig.
Naatlan usab nga mikusog ang bul-og sa tubig hinungdan nga naanod kini ug sa Batomelong na nakaplagan sa mga residente ang iyang patay’ng lawas.
May samad kini sa wala nga bukton, agtang, ug grabeng samad sa likod ulo nga gituuhang maoy hinundgan sa iyang kamatayon.
