Nakit-an ang gina-alegar uniform sa Chinese military sa Philippine Offshore Gaming Operator (POGO) hub sa Porac, Pampanga nga gi-raid sa otoridad sa nakalabay nga semana.
Usa sa nakuha nga digital camouflage uniforms ang may butones nga may initials nga “P.L.A.” nga ginasuspetsahan nga nagapasabot ug People’s Liberation Army nga mao ang armed organization sa Chinese Communist Party ug mao usab ang principal military force sa People’s Republic of China.
Sumala sa Presidential Anti-Organized Crime Commission, imbestigahan niini kung adunay Chinese military personnel sa Pilipinas nga nagapakuno-kuno lamang nga POGO employees.
Ang gi-raid nga POGO hub ang ginareklamo nga adunay nahitabo nga human trafficking, sex trafficking, torture, kidnapping, ug pagpang-scam sa sulod sa 10 ka ektarya nga compound niini sa Pampanga.
Dihang gipahigayon ang operasyon sa nakalabay nga semana, 158 ka mga foreign nationals nga kalabanan Chinese ang na-rescue.
Nakumpiska usab sa compound ang mga ekipo nga ginaalegar ginagamit sa pagpang-scam ug nakita usab ang ginaalegar nga “torture room” ug mga ebidensya nga adunay pagpanakit nga nagakahitabo sa compound.
Kaniadtong weekend, may nadakpan nga Chinese fugitive sa maong POGO firm nga ginaalegar naga-trabaho isip usa sa manug-toture sa mga empleyado ug sa mga biktima sa pagpangdagit.
Na-identify sa otoridad ang suspek nga kabahin sa workers nga naka-eskapo una sa raid sa Pogo hub sa Bamban, Tarlac.
Natumbok usab kini nga usa ka pugante nga kriminal gikan sa China.
Nagpagawas usab ug statement si Porac Mayor Jaime Capil nga protector siya sa POGO firm nga iligal nga naga-operate.
