Napildi ang Gilas Pilipinas sa home team nga Chinese Taipei 91-84 sa final window sa 2025 FIBA Asia Cup qualifiers.
Gibutyag ni Gilas Pilipnas coach Tim Cone nga hilabihan siyang mibilib sa kamaayo sa Chinese Taipei tungod bisan nga unsang paggukod ang gihimo nila, wala sila nagpatarog.
Napabilin ang ilang composure og makasulod ang mga bola hinungdan deserving matod pa ang kadaugan nila.
Bisag qualified na ang Gilas sa FIBA Asia cup nga ipahigayon sa Saudi Arabia, gusto gihapon nila malabwan ang mga makaatbang sa qualifiers.
Miabot pa sa 13 ang lamang sa Chinese Taipei hangtod nga napaubos nila kini sa 80-79.
Nasayang ang 39 points ni Justin Brownlee og 16 points ni Dwight Ramos og 10 points, 6 rebounds ni AJ Edu.
Sunod nga makaatbang sa Gilas ang New Zealand sa Dominggo Pebrero 23.
