Miuswag ang ranking sa Pilipinas sa pagtapos sa 2025 FIBA Asia Cup nga gipahigayon sa Saudi Arabia.
Base sa ranking nga gipagawas sa FIBA, ang Pilipinas mao nay nagkupot sa ikapitong puwesto.
Mas taas kini sa ikasiyam nga pwesto sa nasod sa 2022 FIBA Asia Cup nga gipahigayon sa Jakarta, Indonesia.
Kahinumduman sa bag-ohay lang nga performance sa Gilas Pilipinas, nakaabot kini sa quarterfinals bisan pa sa duha ka sunod-sunod nga kapildihan sa elimination stage.
Hingpit kining gipukan sa 2025 champion Australia sa quarterfinals, sa iskor nga 84-60, hinungdan nga nakabulsa kini og 2-3 nga baraha sa Asian meet.
Sa 2022 Asia Cup, ang Gilas napakyas pag-abot sa quarterfinals human gipildi sa Japan, 102-81.
Katapusan nga nahuptan sa nasudnong koponan ang FIBA Asia Cup trophy kaniadtong 1985.
Sa 2013 Cup, mibalik sa finals ang Team Philippines apan way suwerte human gipildi sa China, 67-78.
Sa laing bahin, ang national team mosalmot na usab sa FIBA World Cup Qualifiers nga sugdan sa Nobyembre 2025.
