Gikalipay ni Gilas Pilipinas head coach Tim Cone ang mas taas nga panahon nga ilang igahin sa ensayo alang sa umaabot nga FIBA Asia Cup 2025 nga ipahigayon sa Jeddah, Saudi Arabia.
Sumala ni Cone, magsugod na ang ensayo sa Lunes, Hunyo 30, ug pagkahuman niini magpadayon sila sa training camp sa Pampanga.
Ang orihinal nga plano unta mao nga sa Hulyo 27 pa magsugod ang practice, apan mas gipili ni Cone nga mas sayo aron mas andam ang national basketball team.
Makauban niya sa training sa team mao silang Richard Del Rosario ug Sean Chambers.
Gilauman nila nga makab-ot ang hangtud 18 ka sessions sa training nga duha ka beses matag adlaw nga praktis.
Walay problema sa iskedyul sa mga overseas-based players nga silang Dwight Ramos, Carl Tamayo, ug Kevin Quiambao.
