Magsugod na karong adlawa Lunes, Hulyo 7, ang pormal nga ensayo sa Gilas Pilipinas isip kabahin sa ilang preparasyon alang sa umaabot nga 2025 FIBA Asia Cup.
Sumala pa ni head coach Tim Cone, ang orihinal unta nga petsa sa pagsugod sa training mao ang Hunyo 30, apan tungod sa pipila ka aberya, gireschedule kini sa Hulyo 7.
Gibutyag ni Cone nga magpadayon ang senemana nga training hangtud makompleto ang lineup sa team.
Usa sa giandam nga lakang sa preparasyon mao ang usa ka send-off friendly match batok sa Macau Black Bears nga ipahigayon sa Hulyo 28 sa Araneta Coliseum.
Gibutyag ni Samahang Basketbol ng Pilipinas (SBP) President Al Panlilio nga dakong tabang sa Gilas Pilipinas ang mga tune-up games batok sa mga international teams aron mas mapalig-on pa ang ilang performance.
Sa group stage sa ang mga team gikan sa New Zealand, Chinese Taipei, ug Iraq.
Ang maong dula magsugod karong Agosto 5 hangtud 17 nga ipahigayon sa Jeddah, Saudi Arabia.
Padayon ang suporta sa katawhang Pilipino sa national men’s basketball team samtang ilang gitinguha ang pagdominar sa Asia Cup.
