Sugdan na sa Gilas Pilipinas ang ilang training camp alang sa 2025 FIBA Asia Cup karong adlawa Lunes, Hulyo 7, 2025.
Matod ni Gilas coach Tim Cone, ang team orihinal nga gikatakda nga magsugod niadtong Hunyo 30, apan tungod sa pipila ka mga panghitabo, nakahukom sila nga magsugod sa Hulyo 7.
Maghimo sila og sinemana nga mga sesyon sa pagbansay, nga ang mga magdudula gilauman nga hingpit nga mabansay sa katapusan sa semana.
Isip kabahin sa ilang preparasyon, adunay send-off friendly match batok sa Macau Black Bears karong Hulyo 28 sa Araneta Coliseum.
Si Samahang Basketbol ng Pilipinas President Al Panlilio niingon nga ang tune-up games gikan sa ubang kanasuran dako og ikatabang sa men’s national basketball team.
Ang Gilas Pilipinas makigsangka sa New Zealand, Chinese Taipei, ug Iraq sa group stage nga sugdan sa Agosto 5 hangtod 17 sa Jeddah, Saudi Arabia.
