Gikatakda nga magpahigayon og pipila ka friendly games ang Gilas Pilipinas una mupadulong sa Jeddah, Saudi Arabia alang sa FIBA Asia Cup 2025.
Matud ni Gilas head coach Tim Cone, nagpadala na sila og mga imbitasyon sa ubang nasud alang sa maong preparasyon ug naghulat na lang sa kumpirmasyon sa mga kaatbang nga team.
Magsugod ang FIBA Asia Cup karong Agosto 5, samtang mahuman ang PBA sa Hulyo 27, busa adunay igong panahon sa pagdula og mga pre-tournament tune-up games.
Sa milabay nga final window sa Asia Cup Qualifiers sa miaging Pebrero, napakyas ang Gilas sa ilang mga dula ug napildi batok sa Chinese Taipei ug New Zealand Tall Blacks.
Base sa schedule unang makaatbang sa ng Gilas Pilipinas ang Chinese Taipei sa Agosto 6, 2025.
Sunod nga makaatban sa national team sa Group D ang world number 22 nga New Zealand sa Agosto 7, 2025.
Ang ulahing kaatbang sa Gilas, ang Iraq nga gikatakda sa Agosto 9, 2025.
Ang Gilas Pilipinas anaa sa Group D nga target nga makasulod sa sunod nga hugna sa maong prestihiyosong torneyo.
