Miabot pa sa overtime ang Gilas Pilipinas aron sa kataposan pildihon ang Saudi Arabia sa iskor nga 95-88 sa 2025 FIBA Asia Cup.
Sa kadaugan, makaabante na sila sa quarterfinals diin ilang ikasangka ang Australia.
Sa nahisgutang dula, dako nga hagit ang nasugatan sa Gilas tungod sa pagkawala nila Calvin Oftana nga naka-angkon ug ankle injury ug CJ Perez nga naka-angkon usab ug ankle injury ikaduhang kuwarter.
Sa unang bahin sa unang kuwarter, gidominar sa Gilas Pilipinas ang dula diin niabot og 10 puntos ang lamang niini apan wala mihunong ang Saudi Arabia ug napugos kini sa pag-apas sa iskor sa dula.
Si Justin Brownlee mipakita og ‘never say die’ nga kinaiya human miiskor sa iyang three-pointer sa nahabiling 3.7 segundos sa kataposang kwarter, ang dula natabla sa 79-tanan aron masulod sa overtime.
Sa pagsulod sa overtime, sila si Kevin Quiambao, Dwight Ramos ug Brownlee nagtinabangay aron hingpit nga mapildi ang host country.
Gipangulohan ni Brownlee ang kadaugan sa Gilas Pilipnas pinaagi sa iyang 29 puntos, upat ka rebounds ug lima ka assists.
