-- ADVERTISEMENT --
Nangandam na ang Gilas Pilipinas alang sa ilang rematch sa New Zealand Tall Blacks sa final window sa FIBA Aisa Cup 2025 qualifiers.
Ang modaog sa duha maoy magdeterminar kon kinsa ang mahimong top team sa Group B. Ang Gilas Pilipinas ug New Zealand parehong adunay upat ka daog ug usa ka pilde.
Ang duha ka teams naka-qualify na usab sa FIBA Asia Cup nga ipahigayon sa Agosto sa Jeddah, Saudi Arabia.
Kahinumdoman nga sa miaging tuig, gipildi sa Gilas ang New Zealand, sa iskor nga 93-89, nga giisip nga dakong kadaugan sa national team, nga mipildi sa 22nd ranking team sa tibuok kalibotan.
