Mag-atubang ang Gilas Pilipinas sa tulo ka national teams isip preparasyon sa third and final window sa FIBA 2025 Asia Cup qualifiers sa Pebrero.
Ang makaatbang sa Gilas mao ang Qatar, Lebanon og Egypt sa 2nd Doha Invitational Cup nga mao ang four-nation friendly tournament nga gi-organisa sa Qatar Basketball Federation.
Mahitabo kini sa Qatar University sa Pebrero 14-16.
Una nga makaatbang sa Gilas ang host country sa imbukada sa tournament, sundan sa Lebanon, og Egypt sa katapusan nga adlaw.
Sa Pebrero 13 mubiyahe si Coach Tim Cone og ang national team kauban si Troy Rosario nga mao ang pinakaulahi nga gidugang sa lineup human nakaangkon og injuries silang Kai Sotto og Kevin Quiambao.
Anaa usab ang naturalized player nga si Ange Kouame tungod bisan absent sa training camp ang veteran big man nga si Japeth Aguilar.
Lauman usab nga makauban sa duha ang mainstays sa team nga silang Justin Brownlee, Scottie Thompson, June Mar Fajardo, CJ Perez, Dwight Ramos, Carl Tamayo, Chris Newsome, Calvin Oftana, Mason Amos, og ang nagbalik nga silang AJ Edu og Jamie Malonzo.
Kini nga friendly games ang mag-prepara sa Pilipinas sa posibleng pagbalos sa Chinese Taipei og New Zealand sa ilang pagkitaay sa sunod nga bulan.
Kahibaluan nga undefeated ang Gilas, 4-0, sa Group B og una pa ang final window, pormal na kini nga naka-qualify alang sa FIBA Asia Cup 2025 sa Saudi Arabia.
