“Fake news” o walay kamatuoran ang mga balita nga nagkapulong sila ni President Ferdinand Marcos Jr. ug Vice President Sara Duterte, sumala sa pahayag sa defense spokesperson nga si Atty. Michael Poa.
Giklaro kini sa abogado ngadto sa mga kawani sa media sa Senado taliwala sa nagpadayon nga impeachment trial batok kang VP Sara karong Lunes, Agosto 24.
“Parang ano lang yan yung binato ako ng laptop o kung ano man. It’s fake news,” matud ni Atty. Poa.
Una nang mikaylap ang mga alegasyon nga gusto matod pa ni VP Sara nga magpa-schedule og pakighinabi kang President Marcos taliwala sa paghisgot sa giingong misuse sa confidential funds sa Office of the Vice President o OVP.
Una na usab nga miingon si Malacañang Press Officer Claire Castro nga dili niya makumpirma ang gikatahong pagkapulong sa duha ka taas nga opisyal sa gobyerno tungod kay wala siyay personal nga kahibalo bahin niini.
