Ginaimbestighan na usab sa Philippine Army sa pakikipagtulungan sa Philippine National Police (PNP) ang report kabahin sa pipila ka reservists nga nalambigit sa ‘Angels of Death’ o private army matod pa sa napriso nga si KOJC founder Apollo Quiboloy.
Matod kang Army Chief Public Affairs deputy chief Col. Reynaldo Balido Jr., pipila sa mga miyembro sa KOJC ang reservists.
Tuig 2015 dihang ma-accredit isip affiliated reservist unit sa PA ang KOJC station nga Sonshine Media Network Incorporated (SMNI).
Sa karon, anaa sa active duty status ang mga nasampit nga gitawag nga 2nd Signal Battalion Philippine Army Affiliated Reserve Unit.
Gi-tap matod pa sila tungod sa ilang kaalam sa komunikasyon.
Apan gipaklaro sa PA official nga kontrolado lamang sa ahensiya ang mga reservist sa maong unit matag wartime og national emergencies.
Gipaklaro usab sa opisyal nga ang maong mga reservist angayang walay mga armas.
Ugaling usab nga mapamatud-an nga misupak ang SMNI, mawad-an og balido ang ilang affiliation sa Army og ipasaka ang administrative charges batok kanila lakip ang lider sa kompaniya nga nagsilbing commander sa unit ang maatubang sa questioning.
