Nakumpiska sa mga sakop sa Bureau of Customs (BOC) sa Port of Clark sa Pampanga ang ginabanta P30.78 milyon nga balor sa iligal nga droga nga gitago sa sulod sa cable spool.
Sumala sa BOC, gideklara nga “solar cables” gikan sa Netherlands ang shipment og padulong unta sa Pasig City.
Dihang gisusi kini pagmaayo, nadiskubrehan nga adunay unom ka mga plastic pouch nga nakatago sa sulod sa kable nga adunay gibug-aton nga sobra sa unom ka kilo.
Nakumpirma sa examination nga ketamine ang sulod niini nga usa ka klase sa ginadili nga droga.
“The shipment was flagged for examination based on derogatory information received from PDEA. A K-9 sniff test yielded positive indications of illegal substances, prompting a full physical inspection of the parcel,” sumala sa Customs.
Human niini, gipagawas ang Warrant of Seizure and Detention para sa shipment sa paglapas sa Republic Act No. 10863 ukon ang Customs Modernization and Tariff Act (CMTA) og R.A. No. 9165 ukon Comprehensive Dangerous Drugs Act of 2002.
