Mikunhod ang gidaghanon sa mga public observer nga mitambong sa ika-upat nga adlaw sa impeachment trial ni Vice President Sara Duterte niadtong Lunes, Hulyo 13, kumpara sa milabay’ng semana.
Sa pagpadayon sa pagtaral alas-2:00 sa hapon, gamay lamang nga bahin sa lugar nga gitakda alang sa mga public observer ug mga bisita sa depensa ug prosekusyon ang adunay mga tao, samtang daghang lingkoranan ang nagpabiling walay nakalingkod.
Sa pagsugod sa sesyon, 18 lamang ka senator-judge ang naitala nga present. Wala makatambong si Senator-Judge Francis Pangilinan. Wala usab motambong sila Senador Rodante Marcoleta ug Senador Jinggoy Estrada, nga anaa sa kustodiya sa kapulisan tungod sa ilang tagsa-tagsa ka mga kaso, ingon man si Senador Ronald dela Rosa nga wala pa gihapon makita sa publiko sukad sa nahitabong Senate shooting incident niadtong Mayo.
Wala usab maapil sa unang attendance si Senator-Judge Alan Peter Cayetano tungod kay miabot kini mga alas-2:10 na sa hapon. Sa laing bahin, miabot si Senador Loren Legarda mga alas-6:00 sa gabii.
Tungod niini, miabot sa 20 ka senador ang kinatibuk-ang natala nga mitambong sa pagtaral kagahapon.
