‘Ghost’ flood control projects, pagsabotahe sa ekonomiya sumala ni Pres. Marcos

Gibutyag ni Pangulong Ferdinand “Bongbong” Marcos Jr. nga makonsidera nga pagsabotahe sa ekonomiya ang dagko nga ‘ghost’ og adunay anomalya nga flood control projects.

Matud ni Marcos nga adunay proyekto sa Barangay Piel Baliuag Bulacan nga nakarekord nga “completed” apan dihang iyang inspeksyunon, wala usay nahimo nga proyekto.

Masuk-anon nga giklaro sa Pangulo ang ₱55-million riverwall project nga nalista nga nahuman na apan walay bisan usa ka adlaw nga trabaho ang gipahigayon.

Gihingusgan ni Marcos nga ang pagpasaka og kaso nakadepende gihapon sa resulta sa ilang legal team, apan gisiguro niya nga adunay panubagon.