Gihimakak ni Gerald Anderson ang mga nagkatag nga isyu kalabot sa break-up nila ni Julia Barreto sa interbyu ni Toni Gonzaga.
Suma pa sa aktor, wala silay problema ug maayo ang ilang relasyon.
Kahinumduman nga nikatap ang balita nga nagbuwag na sila human namatikdan sa mga netizen nga wala na mag-post ang magtiayon sa ilang social media accounts.
Gipasabot usab ni Gerald nga personal niyang gihatod si Barretto sa airport sa wala pa ang interview, paingon sa Dubai, ug nihisgot nga wala gi-delete ni Julia ang ilang mga litrato sa Instagram.
Bisan og giangkon ni Gerald nga pipila ka mga pagsulay ang ilang naagian sulod sa lima ka tuig nilang panag-uban, apan matud niya nga nagsilbi lang kini nga mas molig-on ang ilang relasyon.
Kung hisgutan ang hisgutanan bahin sa kaminyoon, giangkon ni Anderson nga naghuna-huna na siya nga mag-settle down.
Gihimakak usab sa aktor ang mga akusasyon nga babaye ug mangingilad. Sa katapusan, matod ni Gerald nga daghan siya og nakat-onan sa mga nangagi niyang relasyon, ug giangkon niya nga dunay mga higayon nga maikog siya nga misangpot sa mga kakulian sa pagka-partner.
