GENERAL SANTOS CITY – Wala’y natala nga dugang kaso sa Covid-19 infections sa General Santos City, kagahapong adlawa, March 29.
Sa gipagawas nga abiso sa City Health Office, gikataho nga “zero case” ang siyudad sa milabay’ng 24 oras.
Kahibaluan nga sa miaging adlaw, anaa sa dose ang natala nga gikataho nga mga kaso sa dakbayan kung asa misaka na sa 2,179 ang citywide tally sa virus infection, sukad nga nagsugod ang pandemiya sa miaging tuig.
Samtang sa tibuok Region 12, mukabat na sa 6,082 ang COVID-19 confirmed cases human nga nadugang ang walo nga bag-ong kaso .
Gikataho usab sa DOH Center for Health Development SOCCSKSARGEN region nga adunay 14 nga bag-ong nagmaayo og walay nareport nga namatay tungod sa sakit .
Sa karron, mukabat na sa 246 (4.04%) ang active cases, 5,613 (92.29%) recoveries og 221 kon 3.63% ang COVID-19 related deaths.
