GENERAL SANTOS CITY – Nanghunaw si Gensan Vice Mayor Loreto Acharon nga wala sa sesyon dihang giaprubahan ang resolosyon alang sa paghatag ug concurence sa pag operate sa Casino sa syudad.
Apan gipaniguro niini isip labaw sa Sanggunian Panglungsod nga maigi sa husto nga proseso ang pagpasulod niini sa dakbayan hilabi pa nga nalambigit dinhi ang sugal.
Gani una matud pa giaprubahan sa Konseho miagi kini sa komite hearing nga gitambungan sa daghang sektor hinungdan nga naaprubahan kini sa Konseho.
Sa proseso usab sa committee hearing gipaklaro niini nga dili tanan nga gusto nga muestorya ang hatagan ug higayon kini tungod makapadugay lamang kini sa proseso luyo nga wala nagpatuman ug expanded consultation nga gituhu-an niini nahimo gayud sa konseho ang ilang trabaho.
Midepensa pa kini sa pagbutyag nga usa ka matang sa negosyo ang Casino nga adunay nationwide franchise hinungdan gipaklaro nga makatabang kini ug dako aron madugangan ang buhis nga makolekta sa dakbayan.
Kahinumduman nga giwelgahan ang soft opening niini miaging gabii sa nagkalain-laing grupo sa pagpanguna sa taga Diocese of Marbel.
