GENERAL SANTOS CITY – Usa ka dako nga dungog alang sa siyudad sa Gensan ang pag-apil sa United Nations Ocean Conference 2025 nga gipahigayon sa France kaniadtong Hunyo 9 hangtod 13.
Kini ang gibutyag ni Shandee Llido-Pestaño, City Administrator sa Gensan.
Matod ni Pestaño, sa tibuok Pilipinas, duha ra ka siyudad ang giimbitahan, ang General Santos City nga gimugna ni Mayor Lorelie Pacquiao ug ang Navotas City.
Giila ang Gensan tungod sa kontribusyon niini sa industriya sa tuna ug fisheries.
Gipasabot pa ni City Administrator Pestaño nga importante ang mga nakuha nga kaalaman ug koneksyon atol sa conference, nga usa ka talagsaon nga oportunidad.
Kauban sa delegasyon ang Department of Foreign Affairs, nga mitabang pagpasaka sa ngalan sa Gensan sa International nga entablado.
Dugang pa niini, usa kini ka matahom nga pamalandong nga bisan pa man sa atong hunahuna nga ‘left behind’ kita, apan daghan diay og maayong buhat sa Gensan nga mahimong ehemplo sa ubang syudad ug nasod.
