GENERAL SANTOS CITY – Gihingusgan ni P/Supt. Aldrin Gonzales ang tigpamaba sa PNP 12 nga ‘generally peaceful’ sa tibuok rehiyon dose luyo sa pag-neutralized sa suspected member sa Maute ISIS group nga si Najib Calimba Pundog, ang number 2 lider sa Maute.
Sa pagpanguna ni PCSupt. Marcelo Morales, regional director sa PRO-12, gustong magpasalamat ni Gonzales sa tanang mitabang, ilabina sa mga sibilyan, sa pag-neutralize sa bomb exprt nga si Pundog.
Pinaagi kini joint operation sa PNP og AFP.
Sa iyang pahayag, dakong tabang ang komunidad sa malampusong operasyon tungod sa gihatag nga impormasyon kalabot sa paghidangat ni Pundog sa Gensan.
Gihingusgan ni Gonzales nga dili tan-awon nga negatibo ang pagkadiskubre nga may sakop sa Maute sa dakbayan.
Matud pa niini, mas maayo nga nasayran gilayon sa mga otoridad ang nahimutangan ni Pundog nga anaa sa Fatima ning syudad.
Giangkon ni Gonzales nga dili maesplikar kung sa unsa nakaabot si Pundog sa GenSan o basin bag-o pa ang Marawi Siege gabaisita na kini sa Gensan.
