GENERAL SANTOS CITY – Nagpadayon ang pagproseso sa City Sports Division sa mga dokomento sa mga atleta alang sa pag-atender sa Batang Pinoy didto sa Puerto Princesa City, Palawan nga gikatakda sa August 25 hangtud 31, 2019.
Sa pakighinabi sa Bombo Radyo GenSan, gibutyagni Lady Manalo adunay 138 ka mga atleta ang dakbayan nga muapil sa maong paugnat sa kusog.
Gibutyag ni Manalo nga mihangyo na sa syudad aron makakuha ug budget gikan sa special education fund aron magamit sa ilang pagbiyahe gikan dinhi sa dakbayan paingon sa Manila ug Manila paingon sa Palawan.
Pagbana-bana pa ni Manalo nga mukapin sa P4 million ang ilang gikinahanglan.
Sa iyang pamahayag nga may dakong puruhan nga makaangkon og gold medals ang mga atleta sa arnis, penchak silat, beach volleyball, gymnastics, sepak takraw og uban pa.
