GENERAL SANTOS CITY -Gitimbaya gihapon sa lokal nga panggamhanan ning siyudad ang mga atleta nga miapil sa natigayon nga Batang Pinoy 2019 Mindanao Leg sa Tagum City.
Kini bisan ug nahagbong sa ikatulong pwesto ang Team GenSan ning tuiga, gikan sa rank 2 miaging tuig.
Kahibaluan nga nagpabiling kampeon sa nasampitb nga torneyo ang Davao City, ikaduha ang Cagayan de
Oro, ug ikatulo ang GenSan nga nakasakmit ug kapin 90 ka medalya.
Matud ni Lady Manalo sa City Sports Division, gitimbaya sa lokal nga panggamhanan ang maayong performance nga gipakita sa mga atleta.
Kini luyo sa mga aberya ug problema nga nasinatian atul sa torneyo.
Samtang, gikatakda matud pa nilang kuhaon ang usa ka atleta nga gi-operahan gumikan sa appendicitis
human sa iyang giapilan nga event, nga kasamtangang naka-admit sa ospital sa Tagum City.
Nasayran nga ang LGU sa Tagum ang nag-abaga sa operasyon sa naasoy’ng atleta, ug wala usab kini gipasagdan sa mga staff gikan sa GenSan.
