GENERAL SANTOS CITY – Hugot ang suporta sa lokal nga gobyerno sa Gensan sa ‘Pambansang Pabahay’ para sa Pilipino Housing kon ‘4PH Program’ ni Pangulong Ferdinand Marcos Jr. .
Matud ni Engr. Ronald Nuñeza,Department head sa City Housing and Land Management Office, aduna nay koordinasyon ang syudad og Department of Human Settlements and Urban Development alang sa maong programa nga gitan-aw nga mutubag sa pag-angkon og kaugalingong pinuy-anan sa mga na-identify nga pamilya nga kinahanglan og relokasyon.
Gikadugang niini nga dugay nga panahon nga problema sa syudad ang relocation site. Sumala ni Engra. Nuñeza, adunay ginahimo ang syudad kabahin niini.
Sa iyang pamahayag, sa pagkakaron naga-identify na ang ilang opisina og mga lugar nga mahimong patukuran og tenement kon condominium type nga pabalay ubos sa ‘4PH Program’ ni Pres. Marcos.
Bahin sa Badjao Village sa Brgy Bawing, giklaro ni Engr. Nuñeza nga bulag kini nga programa sa Department of Human Settlements and Urban Development alang sa mga indigenous people sa syudad.
