GENERAL SANTOS CITY – Mukabat sa 157 ang bag-ong kaso sa COVID 19 nga natala sa tibuok Region 12, 39 ang nakarekober og may duha nga dugang nga namatay tungod sa maong sakit.
Base sa gipagawas nga datos sa Center for Health Development Socsksargen Region, sa 157 nga bag-ong kaso , 38 ang gikan sa Gensan, North Cotabato-24, Sarangani Province -47, Sultan Kudarat -11 og South Cotabato- 37 ang bag-ong kaso nga natala.
Samtang sa mga bag-ong nakarekober, unom sa GenSan, South Cotabato -26, Sultan Kudarat- 5 og may tig usa nga nagmaayo gikan sa North Cotabato og Sarangani.
Tungod niini, ang Gensan aduna nay 2,689 nga kaso sa COVID 19, anaa sa 261 ang aktibong kaso; Sarangani may 852 nga kaso og 189 ang active cases, North Cotabato may 1,365 ka mga kaso og 223 ang active cases ; South Cotabato may 2,558 ka mga kaso og 454 ang aktibong kaso; og sa Sultan Kudarat may 823 ka mga kaso sa COVID 19 og 69 ang active cases.
Sa kinatibuk-an, mukabat na sa 8,287 ang COVID-19 confirmed cases sa rehiyon, anaa sa 1,196 (14.43%) ang active cases, 6,821 (82.31%) ang nakarkeober na og 268 kon 3.23% ang COVID-19 related deaths.
Dinhi sa dakbayan magpatuman ug No Sunday movement sugod karong Mayo 16 samtang magpatuman ug curfew gikan alas dyes sa gabii hangtud alas kwatro sa kabuntagon.
Kini human nagpatawag ug emergency meeting ang IATF kagahapong adlawa sa pagpanguna ni Mayor Ronnel Rivera.
