GENERAL SANTOS CITY– Gideklarang special non working holiday sa Malakanyang ang petsa 27 sa Pebrero ning tuiga, adlawng Huwebes alang sa dakbayan sa Heneral Santos.
Alayun kini sa selebrasyon sa 86th Founding Anniversary ug 36th Kalilangan Festival sa GenSan.
Pinaagi sa pagtugot ni Pangulong Ferdinand Marcos Jr., gipirmahan ni Executive Secretary Lucas Bersamin ang Proclamation number 785 pinetsahan Enero 23, 2025 alang sa maong deklarasyon nga special non working holiday sa GenSan.
Matud pa nga pinaagi niini mahatagan og igong panahon ang mga katawhan nga makasaulog ug makasalmot sa mga aktibidad nga giandam alang sa maong selebrasyon.
Kahibaluan nga ugmang adlawa na ang grand opening og giawhag ni Joey Concepcion, festival director sa kalilangan ang katawhan nga saksihan kini og makisadya sa mga aktibidad nga giandam sa syudad alayon sa maong selebrasyon aron malingaw ang tanan.
Sa closing ceremony masaksihan ang Parada ng Lahi, letchon festival, ”boodle fight sa bahay kubo” ug anaa usab ang singer nga si Rico Blanco.
