GENSAN – Nagpahigayon og mainiton nga send-off ang lokal nga pangamhanan sa General Santos City alang sa Boy Scout contingent nga motambong sa 33rd Asia-Pacific Regional Scout Jamboree sa Botolan, Zambales karong Disyembre 14–21.
Gipadalhan sila og mensahe ni Mayor Lorelie Geronimo Pacquiao pinaagi ni Executive Assistant Lou Bernandino nga nagpasalig sa tibuok suporta sa lungsod sa ilang partisipasyon.
Gilauman nga makigsalmot ang mga Gensan Scouts uban sa liboan pang mga kabatan-onan gikan sa lain-laing nasod sa Asia-Pacific, diin ilang ma-experyensyahan ang mga kalihokan nga nagpalig-on sa liderato, panaghigalaay ug kahanas.
Uban ang ilang adult leaders, andam nila nga dad-on ang dungog sa Gensan samtang nagpalambo sa ilang kaugalingon isip global citizens.
Nagpasalamat usab ang contingent sa suporta sa ilang mga ginikanan ug komunidad, nga nag-awhag kanila sa pagrepresentar sa syudad nga may kaisog ug integridad.
