GENERAL SANTOS CITY – Duha ka ektarya sa pananum sa Palacios ranch and farm sa Brgy. Sinawal ang naapektuhan human miatake ang hilabihan kadaghang dolon kon apan.
Matud ni Merlinda Donasco sa City Agriculture Office, ang maong insekto ang unang namonitor sa mga residente kaniadtong Huwebes Santo.
Nasuta nga gikan matud pa kini sa Tboli South Cotabato kon asa sa San Jose ang unang sightings og nagbalhin balhin sa nga nagkadaiyang purok sa maong barangay.
Biernes Santo, nakaabot na ang mga apan sa may bahin sa Prk. Kabway Sinawal og nagbalhin-balhin sa ubang purok.
Gibutyag ni Donasco, human nga gipangaon ang mga pananum sa lugar, nibalhin sa Alcantara Ranch og nakaapekto sa runway sa airport gawas pa nga gipangaon usab ang mga pananum nga mais, saging og mga sagbot..
Nakaapekto ang mga apan sa paglupad sa mga abyon gumikan muigo kini sa salamin nga dakong distorbo sa piloto.
Nasuta nga anaa matud pa sa 40-50 ka sako sa mga apan ang nadakpan sa mga mag-uuma sa unang pag-atake niini sa Sinawal.
Nasuta nga upat ka gabie nang nag-overtime ang taga City Agriculture Office aron magpahigayon og chemical spraying batok sa mga apan.
